Nën thirrjet “UÇK, UÇK”, veteranët e luftës e kanë kaluar kufirin në Morinë në këmbë teksa në duar mbanin flamurin kombëtar dhe atë të UÇK-së.
Rreth 60 autobusë është paralajmëruar se do nisen drejt Tiranës.
“Unë jam UÇK” është moto e kësaj proteste, e cila do të fillojë në ora 17:00 në sheshin “Skënderbe”.
Rruga e Kombit do të jetë pa pagesë për 24 orë.
Një tjetër protestë është mbajtur në Hagë, më 14 shtator, një ditë para fillimit të dëgjimit të dëshmitarit të parë të mbrojtjes, ish-ndihmëssekretarit amerikan të Shtetit, James Rubin. Protesta është mbajtur në afërsi të ndërtesës së Gjykatës Speciale.
